Plantun de Prouvènço

Pèr coumpara dos planto d'encò nostre

Antennaria dioica & Viburnum opulus

fotò
fotò
Pèd-de-cat

Antennaria dioica

Asteraceae Compositae

Àutri noum : Uei-de-chin, Pèd-de-gat, Pèd-de-chat, Iue-de-chin, Courentìna.

Noms en français : Antennaire dioïque, Pied-de-chat dioïque.

Descripcioun :
Lou pèd-de-cat es uno planto di proun pelouso, emé de pèd mascle e femello dessepara. Li proumié se recounèisson à sis estamimo jauno au contro di segound que ié vesèn lis estigmato blanc (fotò). I'agrado li prado roucaiouso d'auto mountagno.

Usanço :
Emé lou-pèd-de-cat s'adoubo la tisano contro la brounchito, fai parti di cinq planto contro lou tussi (emé l'erbo-de-la-pato, la rousello, la mauvo, lou bouioun-blanc). La recordo èi limitado à un centenau de brout (èi deja forço) e fau leissa sus cado planto quàuqui flour pèr que posque faire si grano.

Port : Erbo
Taio : 5 à 20 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Antennaria
Famiho : Asteraceae
Famiho classico : Compositae
Tribu : Gnaphalieae

Coulour de la flour : Roso
Petalo : >6
Ø (o loungour) enflourejado : 1 cm
Flourido : Printèms - Estiéu

Sòu : Si
Autour basso e auto : Pancaro entresigna
Aparado : Vo
Remarco : Meno aparado
Mai à avoust

Liò : Tepiero seco - Pasquié
Estànci : Mountagnard à Aupen
Couroulougi : Bourealo
Ref. sc. : Antennaria dioica (L.) Gaertn., 1791 (= Gnaphalium dioicum L., 1753 )

fotò
fotò
Toumo

Viburnum opulus

Adoxaceae Caprifoliaceae

Àutri noum : Toumié, Sambu-d'aigo, Sambu-rose, Milo-flour, Boulo-de-nèu.

Noms en français : Obier, Viorne obier.

Descripcioun :
La boulo-de-nèu o enca lou milo-flour èi lou bouissoun d'ort emé de flour tóutis esterlo (naturalamen i'a soulamen aquéli dóu deforo). La toumo trachis, dins la naturo, proche d'aigo e dins li bos umido. Èi pas un planto proun coumuno en Prouvènço. Se recounèis eisadamen emé si fueio di tres partido. Li fru devènon rouge un cop madur.

Usanço :
Li fru soun un pau empouisounant crus (dounon lou bòmi e soun purgatiéu), li fau faire couire pèr pousqué li manja (counfituro). An de prouprieta cardio-tounico. La rusco èi couneigudo pèr apasima li countracioun de la maire (uterus) qu'es antispasmoudico, astringènto e sedativo. S'emplego tambèn contro li moureno e li cambo lourdo.

Port : Aubret
Taio : 1 à 4 m
Fueio : óupousado
Tipe bioulougico : Faneroufite
Cicle bioulougico : Planto renadivo

Gènre : Viburnum
Famiho : Adoxaceae
Famiho classico : Caprifoliaceae


Coulour de la flour : Blanco
Petalo : 5
Ø (o loungour) enflourejado : 5 à 12 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Ribiero - Bos umide - Pargue
Estànci : Subremediterran à Mountagnard
Couroulougi : Paleoutemperado
Ref. sc. : Viburnum opulus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
R
ges
ges
ges
ges
ges
RRR
C

Antennaria dioica & Viburnum opulus

ges
ges
ges
ges
ges
R
CC
CC

Coumpara Pèd-de-cat emé uno autro planto

fotò

Coumpara Toumo emé uno autro planto

fotò